الجواز الجواز الجواز
.
ستات ورجاله هيموتو على الجواز افهم انا ليه
بالنسبه للراجل
هيتمرمط وهيدفع دم قلبه ويصرف ع العيال ويلبس ويشتغلهم مرمطون ليل ونهار في الشغل
ولو مساعدتش مرتاه في شغل البيت يبقى واحد موش بيحب ماراته ولو جه من الشغل تعبان
واترمى ع السرير زي القتيل من غير ما يقولها كلمه حب مراته تقول دا موش رومانسي
وحتى لو ارتاح منها وطلقها هيشوف الامرين
هيدفع مؤخر صداقه ونفقه على العيال لو كان سايب عيال
لا وايه يدفع فلوس وميشفش العيال غير ساعتين في السنه
ولو كانت حامل ليلته سودا هيفضل يصرف عليها لحد ما تتنيل تولد
يادي النيله
ها لسه مصمم تتجوز وهتموت ع الجواز عايز نصحتي
احسنلك تربي عنزه ولا تتجوز عزه
والستات
ايه ياختي انتي وهيه هتموتو ع الجواز وبتخطفو الرجاله وتعملو عليهم ريه وسكينه
دا انتي هتشوفي ايام اسود من ضفاير شعرك
اول ليله متستته ومتهنيه ....... متفرحيش دا بجرجك علشان تسمعى كلامه بعدين وهيذلك باليله دي
لسه موش مقتنعه
طيب هتخلفي قرطه عيال ويا سلام لو كان صعيدي
لازم تقفلي دسته بنات وزيهم صبيان
هيغلبوكي دا هيجبولك السكر والضغط وامراض لسه ما اتعرفتش
تسرحي وتأكلي وتلبسي وتحايلي وتدادي
وفي الاخر هيسكنوكي في شقه في السطوح او شقه في بير السلم
اه اه شكلك مش مصدقه
ولما تكبري جوزك هيسيبك ويروح يلف على موزه صغيره ويسبغ شعره علشان يرجع 20 سنه لورا
دا لو مكنش اتجوز عليكي 3 مرات قبل كده
ها لسه عايزه تتجوزي انتي وهو عايزين نصحيتي
انتي عنسي احسنلك
وانت قضيها معاكسات
وموش عايزه حد يقول الموضوع مش حلو
تشكروني وتقلولي الموضوع زي العسل منك يا شاهى والا والنعمه هشيل المعسل والحصيره واقعدكو ع الارض
الأحد يوليو 10, 2011 12:02 am
