ازيكم ياجماعة
وحشنى ونبى وحشنى توبيكات وردودكم
ندخل فى موضوعنا
مين فينا مش بيسرح
السرحان دا بجد شىء اساسى عند الناس لازم يسرحوا
ساعات الواحد يبقى قاعد بيعمل حاجه
ويسرح ودماغه تروح لبعيييييد خالص
وتلاقيه متنح فى الحاجة البيعملها
ووقت بقة ما يفوق يكملها وممكن يسيبها ويعمل حاجة غيرها
غالبا السرحان احنا بنربطه بانشغال البال
زي اللي فالصورة ده
اموت واعرف سرحان فـ ايه
لما نلاقي حد سرحان نقولو اللي واخد عقلك يتهنى بيه
هنا بتبقى الحاله عادية ومفيهاش قلق
القلق انك تسرح حوالي ساعه وتلاقي نفسك بتفكر في ولا حاجه
المخ واقف وربنا
يعنى انا ممكن اسرح فى حاجة واقعد فيها كتير سرحااااانة
ابص نفسى الاقينى سرحانة فى حجات كتيرة ومعرفهاش والله بجد بتحصل
الحب بيخلي الواحد يسرح
والهم بيخلي الواحد يسرح
الجوع بيخلي الواحد يسرح يفكر فالاكل
قولي
معدل سرحانك كام % بالنسبة ليومك؟
بترجع من سرحانك بحاجه تفيد او تنهيده وللا بترجع تلاقي نفسك متقلب زي حالاتي
ليك مكان معين بتحب تروح وتسرح بدماغك هنا؟
واشمعنى المكان ده؟
الاغاني .. بتسرح معاها وللا عادي ؟
انا ساعات ممكن اشوف صورة في توقيع واسرح معاها وانت .. ممكن تسرح مع الصور؟؟
مش عارفه
بس ياترى في علاج للسرحان ده
لما تبقى حالة حد بيزاكر لامتحان وكل شوية دماغه تهرب ويجيبها
ومش راضية تترزع تزاكر
زى وانا بذاكر بسرح كتير
حتى لما نصلى بنسرح
ودى ليها علاج العايز يعرفه يقول
يعمل ايه الواحد ساعتها
منورين منورين
[center]
الإثنين يوليو 18, 2011 10:35 am
