ازاي تخلي البنات تحبك للرجال فقط‏

الدليل العصرى للإنسان المصرى

كل واحد نفسه يبقى مأنكش واحده فى دراعه فى الجامعه او يتمنى انه يمشى معاها
دلوقتى انا بقولك

ازاى تخلى البنات تحبك ؟؟!!

ازاى تبقى جان تخلى البنات تجرى وراك ....مش النوع اللى بيجرى ورا البنات...... زيك ؟؟
من خلال فهم الطريقة اللى البنات بيفكروا بيها اقدر اقولك على طريقة تخليك فتى احلامهم
تتلخص فى 5 خطوات

الخطوة الاولى - اول حاجه تعملها انك تفتح دماغك وترمى منها ..... لا لا انا مش قصدى تفتح دماغك بجد دا مجرد تعبير يعنى
نقول من الاول
اول حاجه تعملها انك تفتح دماغك وترمى منها كل الكلام الفاضى اللى هو بتاع الرومانسيه والتثبيت والسهوكه والجوابات الغراميه او فى عصرنا الحالى ال SMS والبورتريه الللى حترسمه لها ..... انسى !!
الكلام دا كان ينفع لفتره ... ايام ما كان فتى الاحلام بيسرح شعره على جنب انما احنا فى زمن متلقيش فيه التسريحات التعبانه دى

الخطوة التانية - صاحبلك صيدلى لان حقن العضلات والانجكت وعلب الاماينو حيبقى عنوان حياتك
طالما اخترت تبقى جان
عاوز تلبس بادى ضيق يبقى الاماينو دا تتمضمض بيه مش بس تتعاطاه
عشان مظهرك يكتمل
فيه حلاق جامد جدا فى شارع القطر فى ميدان ام كلثوم
قاطعه وقاطع كل الحلاقين وسيب شعرك
تعمله ديل حصان .... تنفخه .... تولع فيه بجاز المهم متحلقوش وكدا بقا شكلك جان عصرى ... جان 2010

الخطوة التالتة - لو انت مش وسيم متشغلش بالك
شعرك حيغطى نص وشك والنص التانى حتشريله نظاره مرايه ولو المزه بصت فى وشك مش حتشوف حاجه الا اذا كانت صورتها فى المرايه اللى انت معلقها فى وشك

الخطوة الرابعة - خليك قليل الادب( عفوا)
انسى حكايه الكسوف والخجل لان البنات نسيوها من زمان
ولما تقابل المزه اللى عليها العين خليك مباشر .. مباشر الى اقصى درجه ويكون وشك مكشوف ... الله عليك انت كدا فرصتك احسن من الكلام بتاع زمان
مش تروح تقول لها ( ممكن يا انسه استلف منك كشكول المحاضرات ) يا بنى اساسا معتش فيه حاجه اسمها كشكول محاضرات

الخطوة الخامسة - خلى عندك اكتفاء يعنى لا تلصق(متلزقش) ابدا ابدا يعنى مطولش مع واحده و اتبع سياسه( القر والفر) اضرب واجرى
وحسك عينك تجيب سيره جواز وارتباط ولا تديها الفرصه انها تجيب السيره دى
سيبها وروح شوف غيرها على طوووووووول ومش من وراها خليك مباشر ومكشوف حيقولوا عليك ايه يعنى ( بتاع بنات )
الاه مش هو دا المطلوب

التوبيك دا للناس اللى غاويين بنات
يعنى انت لو مش منهم يبقى انت راجل... مش ... جان
انا عارف انك دخلتى التوبيك مع انى محدده انه ده توبيك رجالى
بس يالا مفيش مشكله
كويس انك تعرفى معظم الشباب ماشيين ازاى فى عصرنا دا
مش معناه انى بقول على نفسى كدا
انا محترم جدا
وفيه ناس كتيره محترمه ومش بيخيل عليها الكلام دا
لكن
حبيت اتكلم عن اللى رايح الجامعة يهييييييص بس
سيبنونا نهظر شويه
عادى بقا م هو كله بيعدى
منذ حوالي 5‏ شهرين

lol!

هههههههههههههههههههه

حلووووووووووووووووووووووووو جدا المووووووضوع

تسلم ايديكى وتسلم ضحطتك

وكلماتك الجميلة

وانا هعمل زى ماقولتى بالظبط

يارب يعجب بنات اليومين دوووووووووووول

خخخخخخخخخخخخخخخخخ

ههههههههههههههههههههههههههههههههههههههههههههههههههه
بس ماقولتشى الباس هدوم مستوردة ولالالالالا عادية
اعمل شعرى سبيك ولالا اربية

اسقط البنتون ولالالالالا ارفعة على وسطية
الباس حزام عريط ولالالا اة عادى